شعبہ تحفیظ القرآن تمام مدارس دینیہ میں ایک بنیادی شعبے کی حیثیت رکھتا ہے۔ قرآن مجید کا معجزہ ہے کہ یہ قیامت تک باقی رہنے والا کلام ہے۔تحفیظ القرآن کی یہ درس گاہیں اسی معجزے کا عملی مظہر ہیں ،جہاں چھوٹے بچے قرآن پاک کی آیات اور سورتیں اپنے سینے میں محفوظ کر رہے ہوتے ہیں۔ جامعہ میں بھی یہ شعبہ قائم ہے، جہاں بچوں کو قاعدہ، ناظرہ اور حفظ و گردان کے ساتھ ساتھ KG-2تا کلاس 8 ،عصری تعلیم بھی دی جاتی ہے۔

جامعۃ الرشید نے 1415ھ مطابق 1994 ء میں اس کو باقاعدہ شعبہ تحفیظ القرآن کی شکل دی۔ اب تک اس شعبے سے سینکڑوں کی تعداد میں حفاظ کرام حفظ قرآن کی تکمیل کر چکے ہیں اور یہ سلسلہ بحمد اللہ !جاری و ساری ہے۔